Повик за ангажирање на зелени амбасадори

Проект: „Градиме ЕКО навики“

Работен ангажман: 20 часа неделно

Времетрање на ангажманот: 3 месеци

Иницијативата за Економски Развој на Ромите (РЕДИ) објавува повик за ангажирање на 5 зелени амбасадори за потребите на проектот „Градиме ЕКО навики“- финансиран од ФООМ – Фондација Отворено општество Македонија. Активностите ќе се одвиваат во Скопје во општините Карпош, Аеродром и Кисела Вода.

Зелените амбасадори ќе бидат ангажирани во проектните активности за да ја подигнат свеста и вклучат заедницата во одржливи практики за селекција на отпад. Мрежата на зелени амбасадори ќе придонесе кон воведување на нов механизам за одржување практики за почиста околина и по завршување на проектот.

Целта на проектот е да придонесе кон почиста животна средина преку активности и промоција на важноста на циркуларната економија и системот за примарна селекција на отпад.

Одговорности и Активности                                                                                                      

• Пополнување на најмалку 50 прашалници за проценка на свеста и ставови на граѓаните кон поддршка на чиста околина и циркуларна економија;
• Организирање на работилници со станарите од мапираните згради за правилна селекција на отпадот и промоција на циркуларната економија;
• Учествување на обуки за креирање на мрежа од зелени амбасадори кои имаат цел да ја подигнат свеста и да ја вклучат заедницата во одржливи практики за селекција на отпад;
• Организирање на едукатини инфо сесии за правилна селекција на отпадот и промоција на циркуларната економија;
• Организирање и учестување на работилница за 20 Роми да научат техники и идеи за креирање на иновативни еко производи од употребени гуми и други рециклирани материјали;
• Мапирање на згради и фирми заинтересирани за воспоставување на систем за примарна селекција на отпад;

Квалификации                                                                                                                                

·        возраст од 18-50 години;

·        најмалку завршено средно образование;

• одлични комуникациски вештини и јавно говорење;
• искуство со еко иницијативи ќе се земе за предност;

Лични ставови: самоиницијативност и одговорност, ориентирани кон резултати, фокусирани на постојано подобрување, грижа за квалитет, ефикасност и точност, приспособливост, самоуправување и развој, организациска адаптација, отворен за работа во различни средини, интегритет, лојалност и добра волја, дискреција, независност и доверба, почитување на различностите.

Критериуми за избор                                                                                                                  

Кандидатите ќе се избираат врз основа на соодветноста на  кандидатот, минатото искуство и мотивацијата. Избраните кандидати ќе бидат повикани на интервју.

Како да аплицирате?                                                                                                                    

Можете да аплицирате на македонски јазик

Ве молиме поставете ги следните документи во онлајн формуларот за апликација:

1) CV – PDF или Word, максимална големина 10 MB

2) Пропратно (мотивациско) писмо – PDF или Word, максимална големина 10 MB, максимум 500 зборови

Со цел на ознака – зелени амбасадори на маил: redimk@redi-ngo.eu

Овој повик можете да го најдете онлајн на: http://redi-ngo.eu

Ако имате какви било прашања, Ве молиме не двоумете се да не контактирате на телефонскиот број + 389 76 260 605